Minsan sa Buwan ng Agosto

By: Yogi

Graphics by: Cassius Klai C. Francisco

Isang araw sa buwan ng Agosto

Pumasok nang walang paninigurado

Landas na tinahak na aking punla

Tatlong taong bubonoin.

Bagong lugar, bagong paligid

Tila naiilang sa takdang silid

Sa unang araw na tayo’y nagtagpo

Hindi alam kung paano kikibo.

Naiilang, ngunit nang unang makausap

Magaan ang naging tanggap

Parehong kinakabahan, ‘di alam patutunguhan

Tanging husay at tapang lamang ang kayang ipangutang.

Presensiya niyo’y hindi matatawaran

Binalot niyo ang kalungkutan ng kasiyahan

Sa mga araw na mahirap lagpasan,

Tunay na samahan lang ang pasan.

Hindi inakalang oras ay agad lilipas

Sana’y sinulit natin bawat sandali

Sana’y hindi mabilis ang oras na naglili

Sana’y lahat ng magagandang alaala’y manatili.

Ngayon tayo’y aabante sa panibagong termino

Batid kong lahat tayo’y umasenso

Magkahiwalay man sa susunod na yugto,

Nawa’y ang ating samahan ay ‘di maglaho.